HUSBAND’S TORTURE: “नोरा फतेहीसारखं सुंदर हो… पतीच्या अमानुष त्रासाला कंटाळून पत्नीने केली…

HUSBAND’S TORTURE: गाझियाबादमध्ये एक धक्कादायक आणि संतापजनक प्रकार उघडकीस आला आहे. नोरा फतेहीसारखे दिसावे म्हणून पतीने पत्नीवर अमानवीय दबाव टाकल्याचा आरोप पीडितेने थेट पोलिस ठाण्यात हजर राहून केला आहे. पत्नीच्या सौंदर्यावर (HUSBAND’S TORTURE) आणि वजनावर सतत टोमणे मारणारा हा पती, सरकारी शाळेत शारीरिक शिक्षणाचा शिक्षक असून त्याने लग्नानंतर आपले संपूर्ण आयुष्य खराब झाल्याची तक्रार पत्नीच्या चेहऱ्यावर निंदा म्हणून उडवली. पतीची मागणी होती की पत्नीने रोज तीन तास व्यायाम करावा आणि कठोर डाएट पाळावे; अन्यथा तिचे जेवणच बंद केले जात असे.

काही महिने या अमानवी त्रासाला तोंड दिल्यानंतर त्रस्त पत्नीनं शेवटी धैर्य एकवटत पोलिसांकडे धाव घेतली. तिच्या तक्रारीत आणखी धक्कादायक आरोप समोर आले. सासरच्यांकडून गाडी, घर, जमीन आणि पैसा आणण्यासाठी सातत्याने दबाव टाकण्यात येत होता. एवढ्यावरच थांबता न येता, पतीच्या वागणुकीबाबतही तीने धक्कादायक खुलासा केला. पती मोबाईलमध्ये इतर महिलांचे अश्लील फोटो आणि व्हिडिओ पाहत असे. याला विरोध केला की तिला मारहाण केली जाई आणि “कोणाला काही सांगितले तर जीव घेईन” अशा स्वरूपाच्या धमक्याही देण्यात येत.

या घटनेमुळे परिसरात एकच खळबळ माजली आहे. बाहेरून आदर्श शिक्षकाची प्रतिमा मिरवणारा हा व्यक्ती घरामध्ये मात्र नराधमासारखी वागणूक देत असल्याचा आरोप होत आहे. पीडितेच्या धाडसामुळे या अत्याचाराचा थरकाप उडवणारा पर्दाफाश झाला आहे आणि या घटनेने महिलांवर होणाऱ्या मानसिक, शारीरिक आणि सामाजिक छळाच्या प्रश्नांना पुन्हा एकदा तोंड वर काढायला लावलं आहे.

बॉलिवूड अभिनेत्री नोरा फतेहीसारखी सुंदर पत्नी मिळावी अशी अपेक्षा मनात बाळगणाऱ्या मुलाच्या कुटुंबाने लग्नाच्या वेळी तब्बल ऐश्वर्यशाली मागण्या केल्या होत्या. मार्च 2025 मध्ये झालेल्या या लग्नसोहळ्यात मुलीच्या आई-वडिलांनी अक्षरशः उधळण केली. सोने, तब्बल 24 लाख रुपयांची महिंद्राची आलिशान गाडी, 10 लाख रुपये रोख रक्कम आणि इतर महागड्या वस्तू यांचा डोंगर मुलाच्या घरच्यांच्या हवाली करण्यात आला. इतकेच नव्हे, तर या थाटामाटाच्या लग्नासाठी मुलीच्या आई-वडिलांना तब्बल 76 लाख रुपयांचा खर्च करावा लागला.

पण या सर्व वैभवाच्या पलीकडेही लोभाचा काळा चेहरा समोर आला. एवढा मोठा खर्च आणि ऐषआराम दिल्यानंतरसुद्धा मुलाच्या घरच्यांनी समाधान न मानता नव्या नवरीवर सतत हुंड्यासाठी छळ सुरू केला. तिच्याकडून आणखी पैसे, संपत्ती आणि वस्तू मिळाव्यात यासाठी सतत दबाव टाकला जाऊ लागला. या अघोरी लोभामुळे विवाहासारखा पवित्र बंधनाचाही मानहानीकारक बाजार मांडला गेला. या उघडकीस आलेल्या प्रकारामुळे समाजात संतापाची लाट उसळली आहे.

वधूच्या आयुष्यातील स्वप्नवत संसार क्षणोक्षणी दुःस्वप्नात बदलत चालला होता. लग्नानंतर पतीसोबतच सासरेचे लोकही तिच्यावर सतत दबाव टाकत होते. गाडी, जमीन, घर आणि पैसा तिच्या आई-वडिलांकडून आणावा, अशी मागणी करून नवरीच्या आयुष्याला नरक बनवले गेले. याचदरम्यान पीडितेने आणखी एक गंभीर आरोप केला आहे. तिचा पती हा नेहमीच मोबाईलमध्ये इतर महिलांचे अश्लील फोटो आणि व्हिडीओ पाहत असे. याला तिने विरोध केला तर तिला निर्दयीपणे मारहाण केली जात असे.

इतक्यावरच थांबून नव्हे, तर जर तू कोणाला काही सांगितले, तर तुला जिवे मारू अशी धमकीही दिली जात असे. या सातत्याने होणाऱ्या छळामुळे नवरी मानसिक आणि शारीरिक यातना सहन करत होती. संसाराच्या नावाखाली सुरु झालेला हा अन्याय आता समाजासमोर आला असून, या प्रकरणामुळे पुन्हा एकदा हुंडा, कौटुंबिक हिंसाचार (HUSBAND’S TORTURE) आणि स्त्रीची मानहानी या गंभीर प्रश्नांवर चर्चा रंगू लागली आहे.

वधूच्या आयुष्यातील संघर्ष दिवसेंदिवस वाढतच गेला. पिडितेने आपल्या पतीसोबतच सासू, सासरे आणि नणंदेवर गंभीर आरोपांचा पाढा वाचला आहे. तिच्यावर सतत हुंड्यासाठी दबाव टाकला जात होता, आणि जेव्हा तिने या मागण्यांना ठामपणे नकार दिला, तेव्हा तिच्यावर निर्दयीपणे मारहाण करण्यात आली.

इतक्यावरच थांबून नव्हे, तर पीडितेने उघड केले की, लग्नानंतर काही दिवसांनीच ती प्रेग्नंट राहिली. परंतु या आनंदाच्या क्षणी तिलाच सर्वाधिक छळ सहन करावा लागला. तिच्या पोटात बाळ वाढत असतानाही तिला जेवण दिले जात नव्हते. उलट, तिच्या तब्येतीची पर्वा न करता तिच्यावर मारहाण केली जात होती. या अमानुष वागणुकीमुळे तिची प्रकृती सतत बिघडत गेली. परंतु, त्यावेळीही कुणीही तिच्या मदतीला धावून आले नाही.

पीडितेच्या मते, तब्येत खालावल्यावर देखील हॉस्पिटलमध्ये नेण्याची तसदी घरच्यांनी घेतली नाही. या अत्याचारकथेमुळे पुन्हा एकदा समाजात प्रश्न उभा राहतोय – स्त्रीचं आयुष्य लग्नानंतर खरंच सुरक्षित आहे का?