PARIMATCH SCAM RAID: “देशभरात १७ ठिकाणी छापे… 110 कोटींच्या काळ्या पैशामागचा हिशोब कोणाच्या हाती?

PARIMATCH SCAM RAID: नवी दिल्लीपासून मुंबईपर्यंत गाजणाऱ्या ऑनलाइन सट्टेबाजी प्लॅटफॉर्म ‘पॅरिमॅच’ प्रकरणात सक्तवसुली संचालनालयाने (ईडी) मोठा डाव टाकला आहे. जास्त परताव्याचे आमिष दाखवून हजारो गुंतवणूकदारांच्या पैशांवर डल्ला मारणाऱ्या या रॅकेटचा पर्दाफाश करत, ईडीने (PARIMATCH SCAM RAID) मुंबईसह तब्बल १७ ठिकाणी एकाच वेळी छापे टाकले. मनी लाँडरिंग प्रतिबंधक कायद्यांतर्गत (पीएमएलए) करण्यात आलेल्या या कारवाईत विविध बँक खात्यांमधील तब्बल ₹११० कोटींचा निधी जप्त करण्यात आला असून, संशयास्पद कागदपत्रे व डिजिटल उपकरणे ताब्यात घेण्यात आली आहेत.

तपासात उघड झालेल्या धक्कादायक माहितीनुसार, फक्त एका वर्षात गुंतवणूकदारांच्या ₹३,००० कोटींहून अधिक रकमेवर डल्ला मारण्यात आला. मुंबईतील सायबर पोलिस ठाण्यात दाखल झालेल्या ‘एफआयआर’वरून ईडीने (PARIMATCH SCAM RAID) तपास सुरू केला होता. विशेष म्हणजे, आरबीआयने नाकारलेल्या पेमेंट ॲग्रिगेटर कंपन्यांमार्फत ‘पॅरिमॅच’ला तांत्रिक सेवा पुरवण्यात आल्या. या कंपन्यांचा वापर करून गुंतवणूकदारांकडून निधी गोळा करण्यात आला.

तसेच, ई-कॉमर्स कंपन्या व पेमेंट सोल्यूशन फर्म्सच्या नावाने बनावट खाती उघडून रकमा गोळा केल्या गेल्या. ‘पॅरिमॅच’ने आक्रमक मार्केटिंग, क्रीडास्पर्धांचे प्रायोजकत्व आणि प्रसिद्ध व्यक्तींशी भागीदारी याद्वारे लोकांचा विश्वास संपादन केला. एकदा गुंतवणूकदार जाळ्यात अडकल्यानंतर, त्यांच्या पैशांचा प्रवास बनावट खात्यांमार्फत परदेशी गंतव्यांकडे सुरू होत असे.

हा संपूर्ण प्रकार केवळ आर्थिक घोटाळा नसून, देशातील डिजिटल फसवणुकीचे वाढते जाळे आणि नियामक यंत्रणांना दिलेले एक मोठे आव्हान आहे. ईडीची ही धडक कारवाई आता अनेक नव्या धाग्यांवर प्रकाश टाकणार आहे, आणि पुढील तपासात आणखी किती ‘मोठी नावे’ बाहेर येतील, याकडे सर्वांचे लक्ष लागले आहे.

पश्चिम भारतात आर्थिक गुन्ह्याचा मोठा डाव!

ऑनलाइन सट्टेबाजी प्लॅटफॉर्म ‘पॅरिमॅच’ ने गुंतवणूकदारांचे कोट्यवधी रुपये हस्तांतरित करण्यासाठी एक चक्रव्यूह रचल्याचे उघड झाले आहे. तपासात धक्कादायक माहिती समोर आली की, एजंटच्या नियंत्रणाखाली छोट्या-छोट्या खात्यांमध्ये जमा झालेला पैसा खोट्या क्रेडिट कार्डद्वारे पेमेंट करून थेट ‘पॅरिमॅच’च्या एजंटकडे पाठवला जात होता. या धक्कादायक कारवाईत तब्बल १,२०० हून अधिक क्रेडिट कार्ड जप्त (PARIMATCH SCAM RAID)  करण्यात आली आहेत.

यापुढेही संशयाचा थरार वाढवणारी बाब म्हणजे, आरबीआयने नाकारलेल्या पेमेंट ॲग्रिगेटर कंपन्यांकडून तंत्रज्ञान सेवा घेऊन गुंतवणूकदारांकडून निधी गोळा करण्याचे काम केले गेले. ई-कॉमर्स कंपन्या आणि पेमेंट सोल्यूशन फर्म्सच्या नावाने बनावट खाती उघडून लाखो-कोटींचा निधी खेचला गेला.

‘पॅरिमॅच’ने आक्रमक मार्केटिंग, क्रीडास्पर्धांचे प्रायोजकत्व आणि प्रसिद्ध व्यक्तींसोबत भागीदारी करून लोकांचा विश्वास संपादन केला. पण या विश्वासाच्या आड लपलेला हा आर्थिक गुन्हा आता ईडीच्या रडारवर असून, पुढील तपासात आणखी मोठे खुलासे होण्याची शक्यता आहे.

क्रिप्टोकरन्सीच्या खरेदीसाठी वापर:

ऑनलाइन सट्टेबाजी प्लॅटफॉर्म ‘पॅरिमॅच’ ने देशभरात बनावट खात्यांचा वापर करून गुंतवणूकदारांकडून कोट्यवधी रुपये जमा केल्याचा मोठा खुलासा तपासात समोर आला आहे. या खात्यांमध्ये जमा झालेला पैसा केवळ देशांतर्गत फिरला नाही, तर त्यामागे एक आंतरराष्ट्रीय पैशांचा साखळीदेखील होती.

तपासात समोर आले की, गुंतवणूकदारांनी या बनावट खात्यांमध्ये भरलेली रक्कम तमिळनाडूमधील एका विशिष्ट भागात रोख स्वरूपात काढली जात होती. त्यानंतर ही रोकड हवाला ऑपरेटरच्या हाती सोपवली जात होती. या हवाला नेटवर्कने ही रक्कम थेट युनायटेड किंगडमस्थित कंपनीच्या व्हर्च्युअल वॉलेटमध्ये रिचार्ज केली.

इथेच थांबत नाही, या व्हर्च्युअल वॉलेटमधील पैशांचा वापर खोट्या क्रिप्टो खात्यांच्या नावाने यूएसडीटी (USDT) क्रिप्टोकरन्सी खरेदी करण्यासाठी करण्यात आला. हा गुन्हेगारी पैशांचा प्रवास केवळ देश-विदेशातील आर्थिक कायदे धुडकावणारा नसून, तो मनी लाँडरिंग, हवाला आणि डिजिटल फसवणुकीचा एकत्रित खेळ असल्याचे स्पष्ट होते. ईडीच्या तपासात या संपूर्ण व्यवहारातील प्रत्येक टप्पा आता उघडकीस येत असून, या नेटवर्कमधील देश-विदेशातील आणखी अनेक खेळाडूंवर कारवाई होण्याची शक्यता आहे.