AHILYANAGAR POLITICAL NEWS: “नगरच्या राजकारणात जिल्हा परिषद निवडणुकांआधी पवारांची तयारी जोरात…कोण करणार शेवटचा वार?”

AHILYANAGAR POLITICAL NEWS: गेल्या दहा–पंधरा वर्षांपासून नगर जिल्हा (AHILYANAGAR POLITICAL NEWS) हा राष्ट्रवादी काँग्रेसचा मजबूत गड मानला जातो. विधानसभेपासून स्थानिक स्वराज्य संस्थांपर्यंत राष्ट्रवादीची कामगिरी सातत्याने सरस राहिली. मात्र, पक्षात झालेल्या विभाजनानंतर ही ताकद दोन तुकड्यांत विभागली असून, आता येणाऱ्या जिल्हा परिषद, पंचायत समित्या, नगरपालिका आणि विशेषतः अहिल्यानगर महापालिका निवडणुकीवर दोन्ही राष्ट्रवादींचा म्हणजेच पवार ‘काका–पुतण्याचा डोळा’ खिळला आहे.

या पार्श्वभूमीवर शरद पवार आणि उपमुख्यमंत्री अजित पवार यांचा नगर जिल्हा दौरा अत्यंत महत्त्वाचा ठरणार आहे. स्थानिक नेते–कार्यकर्त्यांना निवडणुकीच्या तयारीसाठी कोणते कानमंत्र दिले जातील, याकडे संपूर्ण जिल्ह्याचे लक्ष लागले आहे. परंतु हा दौरा केवळ राजकीयच नाही तर सामाजिक–आर्थिक प्रश्नांवरही केंद्रित असेल. शेतकरी कर्जमाफी, घोड व कुकडी प्रकल्पातील पाणी प्रश्न, तालुक्यातील (AHILYANAGAR POLITICAL NEWS) रस्ते व वीज समस्या, तसेच सिस्पे गुंतवणूकदारांना थकलेली देयके यावर उपाययोजना होण्याची अपेक्षा आहे. त्याचबरोबर संत शेख महंमद महाराज देवस्थानची वक्फ बोर्डाकडे झालेली नोंद या संवेदनशील मुद्द्यावरही चर्चा होणार असल्याची माहिती आहे.

दरम्यान, या सभेत अजित पवार नेमके काय बोलतात, तालुक्याच्या प्रश्नांवर त्यांची भूमिका काय राहते आणि खासदार आ. विक्रमसिंह पाचपुते यांच्यावर ते काही टीका करतात का, याची उत्सुकता वाढली आहे. एकीकडे राजकीय शक्तीची चाचपणी आणि दुसरीकडे जनतेच्या प्रश्नांची मांडणी या संगमामुळे नगर जिल्ह्यातील (AHILYANAGAR POLITICAL NEWS) हा दौरा राज्याच्या राजकारणात नवा कलाटणी देणारा ठरू शकतो.

आगामी स्थानिक स्वराज्य संस्थांच्या निवडणुका आणि मराठा आरक्षण चळवळीच्या पार्श्वभूमीवर राज्यातील दोन दिग्गज नेते, पवार काका–पुतण्या, नगर जिल्ह्यात दाखल होत आहेत. उपमुख्यमंत्री अजित पवार आज (शुक्रवार, दि. 29) श्रीगोंद्याला तर राष्ट्रवादीचे संस्थापक खासदार शरद पवार उद्या (शनिवार, दि. 30) नगर शहरात येणार आहेत. दोन्ही पवारांच्या दौऱ्यामुळे जिल्ह्यातील (AHILYANAGAR POLITICAL NEWS) राजकीय वातावरणात चैतन्य आणि उत्सुकता दोन्हीही वाढली आहे.

श्रीगोंद्यातील शेतकरी मेळावा हा आजच्या दौऱ्याचा मुख्य आकर्षण ठरणार आहे. माजी आ. बबनराव पाचपुते आणि त्यांचे चिरंजीव आ. विक्रमसिंह पाचपुते यांचे बहुतांश विरोधक एकत्र येऊन अजितदादांच्या राष्ट्रवादीत दाखल झाले आहेत. त्यांना बळ देण्यासाठीच उपमुख्यमंत्री पवारांची श्रीगोंद्यातील उपस्थिती महत्त्वाची मानली जात आहे.

दरम्यान, घनःश्याम शेलार, राजेंद्र नागवडे, अण्णासाहेब शेलार, बाळासाहेब नाहाटा, दत्तात्रय पानसरे, भगवानराव पाचपुते आणि माजी आमदार राहुल जगताप यांच्या पुढाकाराने हा मेळावा आयोजित करण्यात आला असून तो संत शेख महंमद महाराज मंदिर प्रांगणात होणार आहे.

आज होणाऱ्या शेतकरी मेळाव्यात अनेक महत्त्वाचे विषय चर्चेला येणार आहेत. शेतकरी कर्जमाफी, घोड व कुकडी पाण्याचा प्रश्न, तालुक्यातील रस्ते–वीज समस्या, सिस्पे गुंतवणूकदारांना थकलेली देयके यांसह संत शेख महंमद महाराज देवस्थानची वक्फ बोर्डाकडे नोंद या संवेदनशील मुद्द्यावरही चर्चा होण्याची शक्यता आहे. तालुक्याचे (AHILYANAGAR POLITICAL NEWS) प्रश्न ठळकपणे मांडले जाणार असल्याने अजितदादा त्यावर नेमके काय बोलतात याकडे सर्वांचे लक्ष लागले आहे. त्याचबरोबर आ. विक्रमसिंह पाचपुते यांच्यावर अजितदादा काही टीका करतात का, हा मुद्दाही तितकाच उत्सुकतेचा ठरणार आहे.

खा. पवार उद्या नगरमध्ये:

राष्ट्रवादीच्या शरद पवार गटाचे राष्ट्रीय अध्यक्ष खा. शरद पवार शनिवारी (दि. 30) नगरला येत असून त्यांच्या उपस्थितीत सकाळी सहकार सभागृहात जिल्हा परिषदेचे माजी अध्यक्ष अरुण कडू पाटील यांच्या अभीष्टचिंतन सोहळ्याचे आयोजन करण्यात आले आहे. या सन्मान समारंभात माजी मंत्री बाळासाहेब थोरात, प्रदेशाध्यक्ष शशिकांत शिंदे, काँग्रेस प्रदेशाध्यक्ष हर्षवर्धन सपकाळ, माजी उपमुख्यमंत्री विजयसिंह मोहिते पाटील, खा. निलेश लंके, माजी खासदार यशवंतराव गडाख, पद्मश्री पोपटराव पवार यांची प्रमुख उपस्थिती राहणार आहे. या कार्यक्रमाचे निमंत्रक माजी आमदार डॉ. सुधीर तांबे असून, या सोहळ्यामुळे नगरच्या राजकारणात नवा उत्साह आणि चर्चेची ठिणगी पडणार आहे.

शनिवारी (दि. 30) नगरमध्ये होणाऱ्या शरद पवारांच्या दौऱ्याला अधिक उर्जा देत दुपारी 1.30 वाजता अहिल्यानगर जिल्हा राष्ट्रवादी काँग्रेस पार्टी शरदचंद्र पवार पक्षाचा भव्य कार्यकर्ता मेळावा राष्ट्रवादी भवनमध्ये पार पडणार आहे. या मेळाव्याला प्रदेशाध्यक्ष शशिकांत शिंदे उपस्थित राहणार असून, यासाठी जिल्हाध्यक्ष राजेंद्र फाळके यांनी सर्व कार्यकर्त्यांना आवाहन केले आहे.

या महत्त्वाच्या मेळाव्यात जिल्हा प्रभारी अशोक पवार, खासदार निलेश लंके, प्रसाद तनपुरे, आ. रोहित पवार, माजी मंत्री प्राजक्त तनपुरे, जिल्हा निरीक्षक अंकुश काकडे, माजी आमदार दादा कळमकर यांची प्रमुख उपस्थिती राहणार आहे.